Strache: Wer is des überhaupt, dieser … Moppi? I kenn den net. Also kann er net berühmt sein. Hofer: Herbert, spü amoi was vor von dem Falotten. Strache: Wääh! Was is’n des für a Negermusik? Kickl: Nix Neger. Der is a klanes weißes Zniachtl.
Hofer: Und wer außer mir kummt da no aller vor? Kickl: Lass amoi schauen … Der Trump, die Le Pen, die Petry … Strache: No jo. Fangt eigentlich eh super an. Kickl: Der Mussolini, no amoi der Trump …, der Erdoğan … Hofer: Was? Des is ja a unglaublicher Skandal! Kickl: Allerdings. Mussolini geht gar net.
Hofer: Geh, der is mir wurscht. Aber der Erdoğan!! Strache: Übelste Verleumdung is des! Rufmord! Mit dem Hatschi-Bratschi-Luftballon im selben Atemzug? Hofer: Am End glauben de Leit jetzt no, i bin a Moslem! Kickl: Wer soll denn des glauben in Österreich? Strache: Da net. Oba anderswo. Des kann si katastrophal auf unsere internationalen Beziehungen auswirken!
Kickl: Jetzt regt’s euch net auf. Unsere Haberer san ja a alle dabei. I siech des als Werbung. Der Nobby is in die allererste Liga aufgstiegen. Quasi a Rechtsradikaler von Welt. Hofer: Ah so … Na ja, wenn du des sagst. Strache: Oba … I bin do der Chef. Also, wenn ana von uns a Rechtsradikaler von Welt sein derf, dann ja wohl i! Hofer: I kann a nix für mei ungeheure Popularität. Strache: Bild dir nur nix ein. Des is net der Gabalier. Kana kennt den. Hofer: Rock’n’Roll will never die! Strache: Du mi a, Moslem.
