Rainer Nikowitz: Lei-Lei
Von Rainer Nikowitz
Kaiser: Also, mir samma uns einig? Unser Koalition is fertig ausverhondelt? Bender: Ja. Olles kloa. De Koalition steht wia a Anser. Kaiser: In de Sachfragen is für eich nix mehr offen? Olles geklärt? Bender: Komplett. Olles zu unserer Zufriedenheit. Bis zum letzten Beistrich. Kaiser: Und personell passt a olles? Ressortaufteilung? Köpfe? Bender: I wissert nit, was ma da no anders machen kunnten. I glaub, mir hamma echt guat und konstruktiv verhondelt. Und wos liegt, dos pickt. Kaiser: No dann. Dann gibt’s ja eigentlich wos zum Feiern. Bender: Ma soll jo de Feste immer feiern, wia se follen! Warma kane Karntna, wann ma dos nit taten!
Kaiser: Dann tat i sogn, moch ma auf a Flascherle vom Guaten, ha? Bender: Do sog i nit naa! Kaiser: Oiso dann: Auf a guate Zusammenarbeit! Bender: Ad multos annos, wia da Lateiner sogt! Prost! Kaiser: Aaah! Bender: Dos is a guates Tropferl! Kaiser: Dos wüll i maana! Und jetzt werma glei schauen, dass ma schnöll an Termin zsammbringen für de Angelobung. Bender: Sowieso. Je schnölla, desto bessa! Auf wos soll ma denn no groß warten? Kaiser: Fahr ma dann mitnaunda auffe auf Wean, ha? Warat a scheenes Zeichen. Bender: Jo, warat’s. Kaiser: No dann is jo olles kloa!
Bender: Ah so, a klitzeklane Klanigkeit hab i do no vergessen. Dos sollt i vielleicht oba do no erwähnen: Meine Leut ham mi abgschossen. I tritt zruck. Kaiser: Was?! Und sunst geht’s eich guat? Bender: Der Kurz sagt ja.